Thursday, April 16, 2009
_______________________________________________________
မယုံဘူးလား ပြော
သစ္စာမရှိတာတွေ
တစ်ကယ်ရှိတယ်။
ဟေးလူ ...လူဟေး
ခင်ဗျားဟာက တံဆိပ်ကပ်မယ် နှပ်မယ်
တင်းသွားရင် ပျင်းသွားတဲ့ နိုင်ငံတော်သီချင်းတွေ။
ဆွဲစိ မလား
အတို့ အထိက ကလပ်ကဇယား
တစ်အနားပြေးကပ်တော့ တစ်ဆယ်။
''မိုက်ရင် ထောင်ထဲသွား''
ခါချဉ်အုံထဲက ခါချဉ်ကောင်
ဖင်ထောင်ပြီး ခဲတယ် ဆဲတယ်။
အပြည်ပြည်ဆိုင်ရာ အိပ်မှုံစုံမွှား
ဘူးမမှုတ်နဲ့ ငါ့သား
ဒူးနေရာဒူး တော်နေရာတော်။
ရွှေတစ်ဆစ် ငွေတစ်ဆစ် အထာနဲ့
မကောင်းတဲ့လေတွေ
ကောင်းတဲ့လေကို တိုက်ကြပြီ
အကြည့်မှာ အပူမိနေတဲ့ လှိုင်းတွေ။
ဟုတ်ပါ့မလား မောင်ကာလုရယ်
အလမယ်က မပြရပဲ ထောင်တယ်။
အကြောင်းကလေးပြပြပြီး စား ဟုတ်လား။
အမူးသမား ယောင်ဆောင်ပြီး
အရက် ခိုးသွန်တယ်
ပြီး အခုမှ ထထဖြည့် တဲ့ ရေ။
နောက်ဆံတင်းသလား ၀ါညို
အမှန်တရားက လည်ပင်းကို ဆုပ်ကိုင်တဲ့ အခါ
စွန့်လွှတ်မှုမရှိ ၊ ပိုင်ဆိုင်မှုမရှိ။
တစ်ကယ်ဆို
ဒီမိုကရေစီ ဒီမိုကရေစီ လို့ အော်လိုက်ရင်
မြေကြီးထဲက လက်တွေခြေတွေ ထွက်လာလိမ့်မယ်
ကိုယ့်ကိုယ်ကိုယ် ရှက်စို့ ကွာ။
______________________________________________________________
အပြည်ပြည်ဆိုင်ရာ အိပ်မှုံစုံမွှား
ReplyDeleteဘူးမမှုတ်နဲ့ ငါ့သား
ဒူးနေရာဒူး တော်နေရာတော်။
ကောင်းလိုက်တဲ့ ကဗျာလေးပဲအကို ။