Saturday, March 28, 2009
----------------------------------
ခုတစ်လော လေဖောင်း ဖောင်းနေတယ်
သွားက အမြဲနာနေတယ်
ဆရာဝန်က ဆေးစာ ရေးမပေးလိုက်ဘူး
ဘုရားပန်း အမြဲထိုးပါတဲ့ .။
အိမ်မြှောင်စုတ်ထိုးသံ
ခုနှစ်ချက်လား ဆယ့် .သုံးချက်လား
ဧည့်စာရင်း မတိုင်လိုက်မိဘူး။
အချစ်ဆိုတာ လူတိုင်းရဲ့ အနုပညာအထွတ်အထိပ်
ခြင်းအလှခတ်ပွဲထဲက ခြင်းလုံး
တိမ်ထဲဝင်သွားတဲ့ မီးပုံးပျံ
ဝေယျာဝစ္စအများဆုံးတွေက
ခွေးရယ် အချစ်ရယ် လောင်းကစားရယ်
လူတွေ စောက်မြင်ကတ်တာက
ရေချိုရေငန် တပ်မတော်။
ဘိုးဘိုးအောင်ရဲ့ ၀လုံး
တူမလေးရဲ့ ၀လုံး
ရီသံ ကြားကမုန်တိုင်းဗဟို။
ကိုယ်အဆိပ်မရှိရတဲ့ အကြောင်းက
ယေရှုရဲ့ လက်ကိုင်ပုဝါ
ဘီသိုဗင်နဲ့ .မိုးဇက်
မာယာကော့ စကီးနဲ့ ကော့ ကိုဘိန်း
အမေ့ ရဲ့ နှစ် နှစ်ဆယ်ကျော် အမျှဝေသံ။
ပိုက်တန်းထဲ ငြိနေတဲ့ ပုဇွန်ဆိတ်တွေလို
ကြယ်တွေလည်း ဖျောက်ဆိတ်
စိတ်ကူးယဉ်လွန်းရင်
အသက်ထွက်တတ်တယ်။
မျက်စောင်းက အကြောင်းမရွေးဘူး
ဘိတ် သားပြောသလို
ကျောင်းခေါင်ထိပ်မှာ ကျီးနား
ကျောက်ခဲနဲ့ ပစ် " ပြုတ် ကျ "
ကျောင်းလည်းပြို ကျီးလည်းကျ ။
အထိန်းအသိမ်း ညံ့ လို့ ပဲလား
ဂေါင်လီရဲ့ တစ်ရှိုက်မက်မက်အနမ်းမှာ
ရက်ကွက်ထဲက လပေးမီးစက်ခုတ်သံလို
ခွပ်ဒေါင်းတွေ ကီးကြောင်နေတယ်။ .. ။
____________________________________________________________
Currently have 0 comments: